monumenta.ch > Hrabanus Maurus > csg458.82 > csg75.358 > bsbClm6343.26 > sectio 34 > sectio 10 > sectio 10 > sectio 18 > uwbM.p.th.f.68.232 > sectio 66 > sluMscr.Dresd.A.145.b.113 > 3 > csg48.228 > sectio 21 > sectio 33 > csg51.221 > 64 > sectio 18 > bkeCod.22.5v > sectio 65 > sectio 15 > sectio 19 > sectio 27 > bsbClm6436.20 > csg51.223 > sectio 12 > bnf17226.218 > sectio 9 > sectio 1 > sectio 5 > csg458.101 > sectio 11 > csg458.93 > sectio 17 > csg48.47 > sectio 18 > bnf10439.199 v > bsbClm6224.140 > bnf9389.237 > csg48.201 > sectio 17 > sectio 19 > sectio 7 > sectio 2 > sectio 3 > csg458.131 > sectio 15 > Psalmi, 16 > sectio 8 > sectio 9 > sectio 29 > sectio 37 > sectio 22 > sectio 7 > bnfGrec107.977 > sectio > 2 > sectio 47 > sectio 12 > sectio 26 > sectio 23 > csg68.82 > csg458.104 > sectio 40 > sectio 35 > sectio 9 > sectio 12 > sectio 8 > csg46.101 > uwbM.p.th.f.68.66 > bnf17226.37 > sectio 15 > sectio 19 > sectio 25 > bnf10439.61 v > sectio 3 > csg75.520 > bsbClm6224.50 > csg7.31 > sectio 5 > Proverbia, 12 > uwbM.p.th.f.68.276 > bnfGrec107.647 > sectio 10 > csg46.102 > Isaias, 6 > csg457.61 > bsbClm6224.409 > sectio 31 > bnf10439.67 r > uwbM.p.th.f.69.122 > sectio 19 > sectio 18 > sectio 42 > 20 > sectio 5 > sectio 30 > sectio 6 > sectio 22 > sectio 22 > sectio 42 > sectio 1 > Lamentationes, 4 > csg42.119 > sectio 1 > bsbClm6224.168 > csg457.53 > sectio 11 > bnf10439.61 r > sectio 1 > sectio 17 > sectio 6 > sectio 1 > sectio 26 > sectio 3 > sectio 38 > 29 > tblHarleyMS1775.19v > uwbM.p.th.q.1a.245 > sectio > 16 > sectio 7 > sectio 37 > sectio 4 > bsbClm6224.432 > bnf10439.10 r > csg457.71 > csg75.461 > sectio 6

Word Selection for Searching

Report an Error in this Sectio
Cassiodorus, Expositio in Psalterium, 1, 28, 6
Afferte Domino, filii Dei; afferte Domino filios arietum; afferte Domino gloriam et honorem. cum multitudinem gentium, sicut praedictum est, ad credulitatem rectae fidei spiritualiter propheta venturam esse respiceret, totiusque mundi consocianda illis esset adunata confessio, dignum fuit iam quasi credentem populum commonere, ut fidei suae affectum per sacrificia devota monstraret. Invitat enim filios Dei, id est qui per regenerationis gratiam facti sunt filii eius, ut ait Ioannes Evangelista: Dedit eis potestatem filios Dei fieri, his qui credunt in nomine eius . Sed licet omnis Trinitas unus sit Deus, nec aliqua est in maiestate ipsius aut in natura distantia, diversis tamen locis dicitur, quod ad personas singulas probetur aptandum. Hic autem Spiritum sanctum specialiter Dominum debemus accipere, quem instituit de tabernaculi perfectione laudare. Intende autem quod imprimis non dicendo quid afferant, ipsi se iubentur offerre, id est corda sua sancta puritate lucentia, quod supra omne sacrificium Domino probatur acceptum. Sequitur, afferte Domino filios arietum. Arietes apostoli accipiendi sunt, qui tanquam duces gregum in caulas Domini perduxerunt populum Christianum. Filios arietum offerendos dicit, quos apostoli recta praedicatione genuerunt, non qui pravo dogmate probantur extranei. Arietes autem bene sunt apostolis comparati, quoniam animalia ipsa plurimum fronte valent, et obiecta semper impingendo deiiciunt; quod praedicando fecisse constat apostolos, qui diversas superstitiones et idola firmissima coelestis verbi quadam fronte ruperunt. Aries enim dictus est, quasi a fronte ruens. Addidit, afferte Domino gloriam et honorem. Hic specialiter commonemur ut nullam Spiritus sanctus patiatur iniuriam. Nam qui eum minorem Patre vel Filio dicit, gloriam illi non probatur afferre. Nulli enim gloriosum est audire, quia minor est. Offerimus ergo Domino Deo nostro, id est Spiritui sancto gloriam puram, plenam, veram, cum eum et consubstantialem Patri ac Filio dicimus, et coaeternum, atque omnipotentem sine aliqua separatione praedicamus. Sic omnes haereses per diversa loca Scripturae divinae Spiritus sancti praedicatione destructae sunt.